Dafydd Lewis BA BSc MBA FRES FRSB

Magwyd Dafydd Lewis ym Mhen Llŷn, a Chymraeg yw ei iaith gyntaf. Mae wedi byw yn Lloegr ers dros hanner canrif, y rhan fwyaf o’r amser hwnnw yn y de-ddwyrain. Cyn ymddeol o waith amser llawn bu’n gweithio mewn swyddi o gyfrifoldeb cynyddol yn y diwydiant fferyllol. Mae Dafydd yn ymwneud â nifer o sefydliadau di-elw, ac ar hyn o bryd mae’n golygu nifer o gyfnodolion sy’n ymwneud â bioleg, gan gynnwys Y Naturiaethwr, sef cylchgrawn Cymraeg Cymdeithas Edward Llwyd.